Анх Цех улсын Прага хотноо дэлхийн II дайныг эсэргүүцэн мянга мянган оюутнуудын эрхийн төлөө амиа өгсөн оюутнуудын гэгээн дурсгалд зориулан 1941 оны арваннэгдүгээр сарын 17-нд Лондон дахь Олон улсын оюутны консулаас Олон улсын оюутны эрхийн өдрийг зарлан тунхаглаж жил бүрийн энэ өдөр олон улс даяар тэмдэглэн өнгөрүүлдэг уламжлал тогтсон билээ.

Тус сургуулийн оюутны зөвлөл оюутны эрхийн өдрийг тохиолдуулан 2009 оны 11 сарын 17 -нд "Оюутан-Багш" арга хэмжээг зохион байгуулж байна. энэ ажлын хүрээнд ахлах курсын оюутнууд багш нартайгаа хамтран  тухайн өдрийн хичээлийг заах юм. Мөн оюутнуудын мэдлэг, чадварын сорих, эрхийн өдрөө тэмдэглэн өнгөрүүлэх зорилгоор "АХА" тэмцээн зохион байгуулж байна. "АХА" тэмцээнд бүх курсын оюутнууд оролцох болно. Тиймээс оюутан залуус та бүхнийг идэвхи санаачлагатай оролцохыг уриалж байна.

Та бүгдийн цаашдын сурлага хөдөлмөрт өндрөөс өндөр амжилт хүсье.

 Бичсэн: Эбо 2009.11.16